ហេតុអ្វីចាំបាច់ត្រូវធ្វើតេស្តពិនិត្យសុខភាពជាប្រចាំ?
26-January-2016 | ដោយ មួយឡា
គោលបំណង នៃការធ្វើតេស្តពិនិត្យសុខភាព នោះគឺដើម្បីកំណត់ អោយបានថាតើ អ្នកមានសញ្ញា ឬ រោគសញ្ញាណាមួយ ដែលជះឥទ្ធិពលអាក្រក់ដល់ សុខភាព ឬ មានជម្ងឺអ្វីដែរឬទេ? ហើយជាពិសេស នោះគឺ វាអាចបង្ការបាន នូវជំងឺ ឬ ផលលំបាកផ្សេងៗ ដែលអាចកើតមានចំពោះសុខភាពជាទូទៅ របស់អ្នក ។
ជាធម្មតា កាលបើអ្នកផ្តល់សេវាថែទាំសុខភាព ឆាប់ធ្វើរោគវិនិច្ឆ័យដឹង បានពីបញ្ហាសុខភាពរបស់អ្នក នោះឱកាសនៃការព្យាបាលបានជោគជ័យ នឹងសង្ឈឹមបានច្រើន ហើយថែមទាំងអាច រក្សាជីវិតរបស់ អ្នកបានផងដែរ។
ជំងឺលើសសម្ពាធឈាម ជារឿយៗ ត្រូវបានគេចាត់ទុក ថាជាឃាដករ ដ៏ស្ងប់ស្ងាត់មួយ ដោយសារតែ មនុស្សភាគច្រើន មិនបានដឹងខ្លួនឯង ថាកំពុងតែមានជំងឺនេះ នៅជាមួយនឹង ពួកគេរាល់ថ្ងៃនោះទេ។ ជម្ងឺលើសសម្ពាធឈាម ដែលមិនបានទទួលយក ការព្យាបាលអោយបានត្រឹមត្រូវ អាចធ្វើអោយអ្នក ជម្ងឺកើតមានជំងឺរ៉ាំរ៉ៃ ជាច្រើនផ្សេងទៀត មានដូចជា៖ ជំងឺ ខ្សោយតម្រងនោម, ជំងឺស្លាក់ឈាមក្នុង បេះដូង, ជំងឺដាច់សសៃឈាមក្នុងខួរក្បាល និង ជំងឺគាំងបេះដូងជាដើម ។ ជាមួយនឹង ការពិនិត្យសុខភាពដ៏ធម្មតាមួយ ដូចជាការវ៉ាស់សម្ពាធឈាម អាចអោយអ្នកទទួលយក បាននូវការ ព្យាបាល ដ៏ត្រឹមត្រូវមួយ និង ទប់ស្កាត់បាននូវ ផលវិបាកធ្ងន់ធ្ងរមួយចំនួន ដែលអាចនឹងកើតមានបាន នៅថ្ងៃក្រោយ ។
ជំងឺលើសសម្ពាធឈាម គ្រាន់តែជាឧទាហរណ៍ មួយប៉ុណ្ណោះ នៃស្ថានភាពវេជ្ជសាស្ត្រ ដែលអាចនឹង ត្រូវបានរកឃើញ តាមរយៈការធ្វើតេស្តពិនិត្យសុខភាព។ ជំងឺទឹកនោមផ្អែម និង ប្រភេទនៃជំងឺមហារីក ជាក់លាក់មួយចំនួនទៀត ក៏អាចនឹងត្រូវបានតាមដានរកឃើញ មុនពេលដែលវាលេចចេញ រោគសញ្ញា ធ្ងន់ធ្ងរ អោយយើងដឹងបានផងដែរ ៕
ប្រភព៖ Health
ចំនួនអ្នកទស្សនា
- ថ្ងៃនេះ4741
- ម្សិលមិញ4461
- សប្តាហ៍នេះ9211
- ខែនេះ31091
- ឆ្នាំនេះ31091
- សរុប20473547